TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Emilajno Shullazi ka folur sot në Gjykatën e Krimeve të Rënda për lidhjen e tij me biznesmenin Ylvi Beqaj dhe për çështjen “Vollga”.
Shullazi nuk ka pranuar në asnjë mënyrë se ka kërcënuar biznesmenin Beqaj, por tha se ai e ka ndihmuar atë me gjyqin që ai ka pasur për ish Hotel Vollgën. Gazetari i ‘Panorama’ bën me dije se gjatë seancës Shullazi është shprehur se Beqaj i ka kërkuar ndihmë për ndërmjetësim me palën tjetër.
“Ai donte që ta ndërmjetësoja, ndërkohë që gjyqet herë i fitonte dhe herë i humbte. Ramë dakord që nëse e merrte Vollgën unë do të merrja 1.4 milionë euro nga shitja”, ka deklaruar Shullazi.
Po ashtu ai ka folur edhe për ndërmjetësimin e tij tek gjyqtarja Fatmira Hajdari. Ai tha se kur shkoi çështja në Apel i kishte dërguar asaj një mesazh për të cilin kishte marrë një përgjigje.
“Më tha Ylvi që Fatmira na prishi punë, i çova mesazh me numrin e Gilmando Danit dhe më ktheu përgjigje, por nuk e mbaj mend çfarë i shkrova”, ka thënë Shullazi para togave të zeza
