TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ministri i Energjitikës, Damian Gjiknuri, i deleguar nga Partia Socialiste për çështjet zgjedhore ka thënë sot se Reforma Zgjedhore do të jetë e vlefshme për zgjedhjet parlamentare 2021.
I pyetur nga gazetarët jashtë selisë së PS, Gjiknuri tha se PD ka të njëjtat të drejtat që ka patur edhe pse ka djegur mandatet dhe ndodhet jashtë parlamentit. Sekretari i PS për çështjet zgjedhore tha se PS do e presë PD deri në fund të mandatit të Komisionit Zgjedhor për të realizuar Reformën Zgjedhore.
"Në zgjedhjet e 30 qershorit do të shkojmë me këtë Kod Zgjedhor. Koha nuk premton për të ndryshuar rregullat e lojës. Reforma Zgjedhore ngelet për zgjedhjet e ardhshme parlamentare. Qoftë për të propozuar ndryshime qoftë për të bërë ndryshime.
Pavarësisht se janë jashtë Kuvendit, kanë një dritare të hapur për të bërë Kodin Zgjedhor. Kanë të drejtën e kundërshtimit, kështu ka qenë parimi që në vitin 2012. Për çështjet që s’bie dakord kërkohet opinion i tyre. Kur të ulet PD në tavolinë, do kërkohen ndryshime të Kodit Zgjedhor. U bëjmë thirrje të vijnë dhe të bashkëpunojnë.
Këto janë rregullat e lojës. Realiteti parlamentar ka vendet e tij në Reformën Zgjedhore. Nesër përfaqësojnë dikë. Çështjet sistemike duan diskutim më të gjerë. PD do e presim deri në fund të punës së Komisionit,”-tha Damian Gjiknuri.
Afati i parashikuar nga legjislacioni për punën e Komisionit Zgjedhor është një muaj më vonë, deri në datën 16 maj 2019. Gjithashtu, ditën e sotme, kryetari i grupit parlamentar të Partisë Socialiste, Taulant Balla, i ka drejtuar një letër Kuvendit ku kërkon që Damian Gjiklnuri të emërohet bashkëkryetar i Komisionit për Reformën në Drejtësi, ndërsa Blerina Gjylameti të jetë anëtare e Komisionit.
