TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga Ura Vajgurore në vijim të takimit elektoral në këtë bashki, kryeministri Edi Rama foli ndër të tjera edhe për përgjimet e publikuara nga gazeta gjermane “Bild” për blerjen e votave përmes bandës kriminale të Avdylajve në Shijak. Kryeministri iu referua këtij skandali me fjalët “muhabetet e kazanit, përgjimet e neveritshme…”. Pra, ai lë të kuptohet se edhe prestigjozja gjermane “Bild’’ është kazan, sic janë sipas tij shumë media të tjera shqiptare.
Kazan Rama ka thënë muaj më parë edhe për Zërin e Amerikës, media e cila publikoi disa transkipte të dosjes voluminoze 339. Me c’duket kryeministri nuk është i qetë pasi dalja e përgjimeve pikërisht në këtë moment ia vështirëson jashtë mase gjërat.
Kur dukej sikur dosja 339 po fashitej me ndihmën e Prokurorisë, dalja e përgjimeve e rikthen atë sërish në vëmendje dhe i jep më tepër argument opozitës për të protestuar dhe për të mos marrë pjesë në zgjedhje.
