TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Banorët e Shijakut, Katër Rrugëve dhe Xhafzotaj janë ngritur sot në protestë për infrastrukturën e rënduar të rrugës që lidh qytetin bregdetar të Durrësit me Shijakun.
Protestuesit në shenjë revolte, bllokuan për disa minuta aksin rrugor dhe iu vunë flakën kazanëve të plehrave që ndodheshin pranë vendit ku zhvilluan protestën. Ata kërkuan të merren masa urgjente për rikonstruksionin e kësaj rruge, që është kthyer në makthin e drejtuesve të automjeteve. Ata thonë se, segmenti rrugor që lidh qytetin bregdetar të Durrësit me Shijakun është tejet i amortizuar dhe bërë i pakalueshëm.
Ky aks nacional vetëm pesë kilometra i gjatë po shkon drejt degradimit, pasi prej shumë vitesh në këtë segment nuk investohet.
Rruga Shijak-Durrës përshkohet në të dyja korsitë e saj nga banesa dhe biznese, duke u konsideruar ndër akset me përqendrimin më të madh të zhvillimit ekonomik, shkruan Panorama. Gropa, kanale, devijime, pellgje me ujë shoqërojnë segmentin përgjatë gjithë gjatësisë së tij. Për ketë arsye banorët protestuan sot, duke i kujtuar kryeministrit Rama se nuk e mbajti premtimin që dha pak muaj më parë që konsistonte në përmirësimin e infrastrukturës në këtë aks rrugor.
Protestuesit thonë se gjatë drejtimit të automjeteve e kanë thuajse të pamundur të mos shkatërrojnë makinat e tyre nëpër gropa, pasi këto të fundit janë të shpeshta dhe në raste shiu edhe të padukshme. Sipas tyre, në rrugë krijojnë lëvizje të pa kontrolluara të mjeteve, pasi asnjëri nuk do t’i bie makina në gropë dhe duke bërë këto zig-zage në rrugë rrezikojnë njëri-tjetrin, dalin nga rruga, makinat mund të deformohen, pra janë rrezik i shtuar për jetën e qytetarëve. Teksa tentojnë të evitojnë gropat në rrugë, drejtuesit humbasin kontrollin dhe përplasen me bordura apo makina që janë duke kaluar në krahun tjetër.
[playlist type="video" ids="187026,187359"]
Nga “Kodra e Rrashbullit” e deri në afërsi të “Katër Rrugëve”, aksi është totalisht i amortizuar dhe i pakalueshëm. Përveçse emërtimit, asgjë tjetër nuk ngjan më një rrugë nacionale. Ky segment 5-kilometër i gjatë, por mjaft i rëndësishëm është lënë në harresë të plotë. Që prej ndërtimit të autostradës Tiranë-Durrës, rruga Durrës-Shijak duket se është anashkaluar nga autoritetet.
