TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Punonjësit e rafinerisë së naftës në Fier dhe në Ballsh që nuk kanë marrë rrogat e prapambetura, të aplikojnë për statusin e papunësisë.”
Thirrja ka ardhur këtë të mërkurë nga vetë Ministri i Financave dhe Ekonomisë Arben Ahmetaj.
Në deklaratën e tij për mediat, ministri Ahmetaj tha se është dhënë urdhri që zyrat e punës në qarkun e Fierit të ndihmojnë punonjësit e rafinerisë që të aplikojnë për statusin e papunësisë.
“Është marrë angazhim nga qeveria që zyra e punës në qarkun e Fierit të jenë në ndihmë të punonjësve të dy rafinerive për t’i ndihmuar për aplikimin e statusit të papunësisë në mënyrë që ata punonjës që sot janë papunë të përfitojnë menjëherë në bazë të ligjit pagesën e papunësisë.
Ndërkohë qeveria qëndron e gatshme për të mbështetur cdo investitor serioz që do të vijë për zhvillimin e biznesit”, u shpreh ministri i Financave Arben Ahmetaj.
Kujtojmë se prej disa ditësh naftëtarët po protestojnë duke kërkuar rrogat e tyre të prapambetura.
