TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Parlamenti Evropian, tha sot se bisedimet me Londrën rreth largimit të Britanisë së Madhe nga Bashkimi Evropian nuk kanë çuar në progres të mjaftueshëm në çështjet kyçe sa i përket Brexitit.
Eurodeputetët e mbledhur në Strasburg, në një rezolutë të miratuar me shumicë dërrmuese kanë ftuar shtetet anëtare të BE-së të shtyjnë vlerësimin nëse është bërë përparim i mjaftueshëm për të kaluar në fazën e dytë të negociatave, të cilat ishin planifikuar për samitin e ardhshëm më 19 dhe 20 tetor në Bruksel.
Rezoluta thekson se "nuk është bërë përparim i mjaftueshëm" në çështjen e të drejtave civile, marrëdhëniet me Irlandën dhe detyrimeve financiare që e bëjnë të mundur për të kaluar negociatat në çështjet e marrëdhënieve të ardhshme të tregtisë dhe të sigurisë, siç kërkohet nga Mbretëria e Bashkuar.
Raundi tjetër i negociatave për Brexit është planifikuar për javën e ardhshme dhe eurodeputetët theksojnë se nëse nuk ka "përparim të theksuar", udhëheqësit evropianë në samit duhet të shtyjnë negociatat mbi tema të reja. Rezoluta u miratua me 577 vota për, 92 kundër dhe 29 abstenime.
