TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka reaguar pas deklaratës së presidentit të Maqedonisë së Veriut, Stevo Pendarovski, i cili në një intervistë të dhënë për platformën mediatike “Euroactiv”, i ka kërkuar Këshillit Evropian, shkëputjen nga vendi tjetër kandidat, Shqipëria, në procesin e diskutimin për zgjerimin dhe hapjen e negociatave të anëtarësimit. “Problemi më i madh është ‘ndarja’ me Shqipërinë. Shqipëria tani është në rrëmujë. Opozita është larguar nga institucionet dhe po bëhet më e tensionuar. Pra, çfarë mund të themi këtu? Kemi pasur rekomandime pozitive nga Komisioni më parë, dhe ne jemi ‘veçuar’“, është shprehur Pendarovski për “Euroactiv”.
Në një postim në llogarinë e tij personale në “Twitter”, Rama e quan të çuditshme një qasje të tillë, duke iu referuar “kontributit kyç të Shqipërisë&shqiptarëve në zhvillimet demokratike&rrugën europiane të shtetit mik”.
Reagimi i Ramës
Presidenti @SPendarovski nënkupton favorizimin e ndarjes nga Shqipëria në vendimin për negociatat? Çudi kjo qasje, sidomos kur konsideron kontributin kyç të Shqipërisë&shqiptarëve në zhvillimet demokratike&rrugën europiane të shtetit mik.S’duket as e drejtë as praktike faktikisht!
