LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 15 Qershor 2019, 12:59

Gjoba nga 1 milionë lekë, AKU aksion në biznese: Gjenden kroasan, çokollata dhe pije energjike jashtë standardit

TPZ

Autoriteti Kombëtar i Ushqimit vijon me kontrollet rigoroze në Operatorët e Biznesit Ushqimor për të garantuar përmbushjen e kërkesave ligjore të sigurisë ushqimore, mbrojtjen e konkurencës së ndershme dhe interesave të konsumatorëve.

  1. Kontrolli i ushtruar nga DRAKU Tiranë nё subjektin “Sami Cerri” evidentoi se subjekti ushtronte aktivitetin “Prodhim dhe tregtim tё produkteve tё pastiçerisë” në mungesë të licencës përkatëse dhe rregjistrit të shitjeve. Gjithashtu, u konstatuan 225 kg produkte me etiketa tё panotifikuara dhe qё nuk pёrmbushin kёrkesat ligjore (suxhuk me arra, llokume).

Për shkeljet e konstatuara, ndaj subjektit u morën masat administrative:

“Gjobë” me vlerën 1,000,000 lekë për ushtrim të aktivitetit pa disponuar licencën përkatëse;

“Gjobë” me vlerën 100,000 lekë për mungesë të sistemit të gjurmueshmërisë;

“Gjobë” me vlerën 100,000 lekë për etiketim në kundërshtim me ligjin;

“Bllokim i produkti” me destinacion asgjësimin e sasisë prej 225 kg produkte ushqimore;

“Ndërprerje e aktivitetit”.

  1. Kontrolli i ushtruar nga DRAKU Fier në subjektin “Lindita Gjini” me aktivitet “Market” në qytetin e Lushnjës evidentoi tregtim të mallrave me afat përdorimi të kaluar (amareta, djath, kroasan, kek, çajra, çokollata, pije energjike, vafer etj).

Për shkeljet e kontatuara ndaj subjektit u morën masat administrative:

“Gjobë” me vlerën 300,000 lekë për tregtim të mallrave të cilëve u ka kaluar afati i përdorimit;

“Bllokim i produktit” me afat përdorimi të kaluar me destinacion asgjësimin.

  1. Kontrollet e kryera nga DRAKU Korçë në subjektet “Petraq Zhidro” dhe “Lico A+B” me aktivitet “Përpunim qumështi”, si dhe analizat laboratorike të mostrave përkatëse (djath i bardhë dhe djath kaçkavall), evidentuan mospërmbushje të kërkesave ligjore për treguesit e sigurisë së ushqimit.

Për shkeljet e konstatuara ndaj secilit prej subjekteve u morën masat administrative:

“Gjobë” me vlerën 300,000 lekë për ushqim të pasigurt;

“Bllokim i produktit” në sasinë prej 500kg djath i papërshtatshëm për konsum për asgjësim.

  1. Kontrolli i ushtruar nga DRAKU Korçë në subjektin “Florent Dikellari” me aktivitet “Njësi tregtimi” evidentoi kushte të papërshtatshme higjeno-sanitare.

Për këtë shkelje AKU mori masat administrative:

“Gjobë” në vlerën 300,000 lekë për mungesë të kushteve higjeno-sanitare;

“Ndërprerja e aktivitetit” deri në plotësimin e këtyre kushteve.

  1. Drejtoria Rajonale e AKU Shkodër, në kuadër të masave administrative të marra gjatë kontrolleve të kryera, ka bërë asgjësimin e rreth 48.7 ton produkti “farë misri” e papërshtatshme për mbjellje. Procesi i asgjësimit u krye me pjesëmarrjen e inspektorëve të AKU, Inspektoriatit Shtetëror të Mjedisit dhe Drejtorisë të Tatimeve.