TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
"Është fjala jote kundër tij. Nuk ka asgjë për t'u bërë": e strehuar në një komisariat policor në Beograd, Aleksandra kërkoi ndihmë por u përball me pasivitetin e autoriteteve përballë dhunës në familje.
OKB-ja i kushtoi të shtunën Ditën e saj Ndërkombëtare për Eliminimin e Dhunës kundër Grave, një goditje që prek të gjithë Ballkanin. Në maj, Bashkimi Europian nisi një projekt për t'i nxitur gratë të trajtojnë "një nga çështjet më të rëndësishme shoqërore" në rajon.
Pas dy vitesh dhunë, Aleksandra, 33 vjeç, nuk i mund ta duronte urdhrin për heshtje të këtij oficeri të policisë, i cili shpalli pafuqinë e tij për mungesën e "dëshmisë së dhunës apo abuzimit". Ajo paraqiti një ankesë. Por me kusht anonimiteti, ajo thotë se në pritje të gjykimit, ajo dhe foshnja e saj u larguan nga shtëpia martesore, që të strehoheshin në një "shtëpi të sigurt" në Beograd, të mbajtur nga OJQ-ja "Sigurna Kuca ".
Në Serbi, 33 gra u vranë vitin e kaluar nga një burrë në rrethit të tyre, një shifër kjo e raportuar në një popullsi prej më pak se shtatë milionë. Në Bosnje, më shumë se gjysma e grave dhe vajzave mbi moshën 15-vjeçare kanë qenë viktima të ndonjë forme të dhunës, sipas Ministrisë së të Drejtave të Njeriut.
Pa mbrojtje
Përafërsisht 70 për qind e grave në Kosovë - 1.8 milionë banorë - kanë vuajtur dhunën në familje, sipas Rrjetit të Grave të atij vendi, ku dhuna ndërfamiljare është konsideruar, thotë OJQ, "si një formë e edukimit dhe trajnimit dhe disiplinimi për fëmijët". Në Shqipëri, midis janarit dhe shtatorit, policia regjistroi 3,000 raste të dhunës në familje për 2.8 milionë njerëz. Në 1,643 raste janë urdhëruar masa mbrojtëse.
"Mendësia mbetet kryesisht nën ndikimin e modelit patriarkal, me një burrë në një pozitë dominimi mbi një grua të nënshtruar", thotë Ana Ruçi i shoqatës "Refleksione" në Tiranë. Në ish-Jugosllavi, kjo u shtohet traumave së luftërave të viteve 1990, sipas OJQ-ve.
"Policia reagon shumë ngadalë dhe nuk është efikase. Por drejtësia është më e keqe. Gjykatësit nuk janë bërë të vetëdijshëm për dhunën bashkëshortore", shtoi Vesna Stanojeviç, Beograd, përgjegjës për një "shtëpi të sigurt" në Beograd.
Ky pasivitet ka motivuar miratimin e një ligji që parashikon sanksione për të ndëshkuar mosveprimin e nëpunësve civilë. Por "nuk ka njerëz të mjaftueshëm për ta zbatuar atë", thotë Tanja Ignjatovic nga Qendra e OJQ-ve serbe për Gratë e Pavarura. Procedurat e ngadalta, mbrojtja e pamjaftueshme, janë nxitje të forta për heshtjen.
Në korrik, dy gra u vranë në Beograd përpara institucioneve ku ato kishin kërkuar mbrojtje. E para u rrah me vdekje me një gur nga burri i saj nën vështrimin e tre fëmijëve të tyre. Vrasësi kishte shërbyer vetëm dy vjet burg për dhunë kundër më të madhit. Disa ditë më vonë, një burrë tjetër goditi me thikë gruan e tij dhe e mbyti djalin e tij katërvjeçar në mes të ditës.
Gjyqtarja e vrarë
Pasi ish-burri i saj e goditi në rrugë me një shufër hekuri në korrik, 49-vjeçarja Merita Doçi ka dalë me frikë vetëm në shtëpinë e saj në Fushë-Krujë, qytet në perëndim të Shqipëria. Agresori është në arrati, por ajo nuk i nënshtrohet masave të posaçme mbrojtëse. Natën, tregon ajo AFP, ajo bën roje me fëmijën e saj më të madh. Një sëpatë qëndron te dera.
"Policia, gjykatat, prokurori, askush nuk bën asgjë. Kur do të ndërhyjnë? Kur do të vdes? "Pyet ajo.
Si mund të ndihet e sigurt kjo nënë me dy fëmijë që mbijeton me n jë punë të vogël afër burgut aty afër, a mund të ndihet e sigurt ajo në një vend ku u vra Fildes Hafizi? Kjë gjyqtar e kishte lajmërrua vazhdimisht policinë dhe kolegët e saj për dhunën e ish-bashkëshortit të saj. Por në gusht, i liruar para përfundimit të dënimit me tre vjet burg për dhunë të mëparshme, ai e vrau duke gjuajtur në të, në mes të ditës në një rrugë në Tiranë.
"Vdekja e një gjykatëse, e cila njihte të gjitha nenet e ligjit, por nuk mund t'i përdorë për të mbrojtur jetën e vet, është një burim i dekurajimit për gratë që nuk e njohin ligjin", thotë avokatja Vjollca Meçe, ish-anëtare e Gjykatës Kushtetuese.
Burimi: AFP
Përgatiti: TPZ.Al
