TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka ngjallur debat fakti që në Beograd është vendosur për të dytin vit pema e krishtlindjeve që kushton 83 mijë euro.
Disa aktivistë pyesin se përse duhet gjithë ky luks kur 30 % e popullsisë nuk kanë as kanalet e ujërave të zeza në banesat e tyre.
Vitin e kaluar dritat qëndruan të ndezura nga shtatori në mars dhe shumë qytetarë e quajtën luks të tepruar
"Shpresoj që fëmijët i gëzohen dritave të Krishtlindjeve por buxheti i Beogradit cungohet shumë. U shpenzuan 83 mijë euro për një pemë plastike, ndërkohë që kemi probleme me kopshtet, rrugët e kryeqytetit dhe çdo gjë tjetër. A është kjo pemë prioriteti i Beogradit për të investuar? " thotë një aktivist.
Ndërkohë zyrtarët e qytetit thonë se dritat ndikojnë pozitivisht në biznes.
"Njerëzit i gëzohen atmosferës dhe blejnë gjëra dhe kur ka blerje është e rëndësishme për ekonominë. Qytetarët ndjejnë atmosferën e gëzueshme, i gëzohen çdo gjëje në Beograd. Dritat i bëjnë njerëzit të ndihen më të gëzuar" thotë një zyrtar i Beogradit.
Ai shton se çdo euro e shpenzuar në dritë, përkthehet në 8 euro investim.
Qytetarët janë dakord që Beogradi të ndriçohet me drita në dhjetor, por jo në shtator e tetor. "Është një shpenzim i madh për Serbinë".
Këtë vit zyrtarët nuk kanë thënë sesa do ti mbajnë të ndezura dritat, por thuhet se do të zgjasin.
