TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vrasja e Eva Lerës nga bashkëshorti i saj Todi Lera, tronditi Vlorën dy vjet më parë.
58 vjeçari tentoi vetëvrasjen pasi mbyti me duar bashkëshorten, ndërsa më pas u dënua me burg për krimin e kryer.
Por, siç mëson gazetarja e ABC Glidona Daci, Todi Lera ka ndërruar jetë sëfundmi në spitalin e Burgut në QSUT.
Burimet bëjnë me dije se shkak për vdekjen e tij ishte koronavirusi, sëmundje të cilës 58 vjeçari nuk ka mundur t’ia dalë.
Ngjarja e rëndë ndodhi në shkurt të vitit 2019, ku Todi Lera vrau bashkëshorten e tij Eva duke shkaktuar reagime të forta në opinionin publik.
Pas krimit ai tentoi të vriste veten duke u arrestuar ndërkohë nga policia. Lera kaloi disa javë në spital dhe më vonë u dënua për vrasjen e bashkëshortes.
Mësohet se ai u infektua dy javë më parë me koronavirus në burg dhe përkeqësimi i gjendjes bëri që të shtrohej në spital, ku edhe humbi jetën.
