TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Armand Peza dhe Enida Bozhegu ishin të ftuar në emisionin "Top Story" të drejtuar nga Grida Duma. Një nga temat që u trajtua ishte dasma e Genar Topallit me Cindy Marinën, që ka nxitur debat të madh për shumën e madhe të pretenduar që ka kushtuar.
Peza, një biznesmen i suksesshëm në organizimin e eventeve të tilla u përplas me Bozhegun pikërisht prej dasmës.
Ai tha fillimisht: "Jozefina ka qenë e ftuar në dasmën e të birit. Edhe unë e kam ftuar tim atë". Në këtë moment ndërhyri Bozhegu duke u shprehur: "Kjo është lojë fjalësh. Nuk e pranoj këtë".
Por Peza këmbënguli sërish: "Po e them unë që kam ftuar babain në dasmën time".
Bozhegu, e irrituar iu drejtua: "Atëherë nuk je shqiptar". Në këtë çast, biznesmeni nuk u përmbajt: "Të hash të pangrënshmen".
E ndodhur në këtë situatë, ndërhyri edhe Grida Duma duke i tërhequr vëmendjen Pezës:
"Unë nuk do të kisha lënë në studio nëse ti do e kishe përdorur atë shprehje ndryshe, por zgjodhe metaforën. E the të pangrënshmen, por të gjithë e dinë se për çfarë e kishe".
Gazetari Ronaldo Sharka dhe Armando Peza janë përplasur në studio, në një debat dhe mbi simbolikën dhe vendin ku u mbajt ceremonia martesore.
Sharka, duke komentuar ngjarjen, tha se dasma ishte një mënyrë për të treguar pozicionin e familjes Topalli si pjesë e elitave ndërkombëtare.
“Jam i bindur që dasma është bërë aty për të treguar se ne jemi një familje që i përkasim elitave ndërkombëtare, aty ku martohen më të mirët, në Vatikan,” deklaroi ai.
Në këtë moment ndërhyn Armando Peza, i cili e kundërshtoi duke sqaruar se dasma nuk është mbajtur në Vatikan, duke kërkuar që të mos bëhen spekulime.
Situata u tensionua më tej kur Sharka iu drejtua Pezës me fjalët: “Trego kush të pagoi dhe cili është roli jot në këtë gjë, mos i mbro kaq shumë.”
