TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me afrimin e stinës së ftohtë, mjekët në mbarë botën bëjnë thirrje që njerëzit të përqendrohen në forcimin e sistemit imunitar. Tetori shënon nisjen e sezonit të viruseve respiratorë, duke rritur ndjeshëm rrezikun për infeksione, veçanërisht në ambiente të mbyllura dhe gjatë grumbullimeve familjare e festive.
Ekspertët theksojnë se megjithëse nuk ka mënyrë të sigurt për të shmangur 100% të ftohurat apo gripin, ka hapa të rëndësishëm që mund të ndërmerren tani për të ndihmuar trupin të mbrohet më mirë në muajt në vijim.
Dr. Sharon Nachman, specialiste e sëmundjeve infektive pediatrike në Spitalin “Stony Brook Children’s”, thekson se “tetori është periudha kritike për mbështetjen e sistemit imunitar, pasi moti ftohet, njerëzit kalojnë më shumë kohë në ambiente të mbyllura dhe infeksionet përhapen më shpejt”.
Edhe Dr. Michael Richardson nënvizon se me rifillimin e shkollave dhe rritjen e udhëtimeve familjare, “viruset gjejnë terrenin ideal për t’u përhapur, prandaj është e domosdoshme që të përgatitemi që tani”.
7 mënyra praktike për të forcuar sistemin imunitar para dimrit
Merrni vaksinat e rekomanduara
Vaksinat janë “stërvitje” për sistemin imunitar dhe ndihmojnë në mbrojtjen nga format e rënda të gripit dhe COVID-19. Mjekët rekomandojnë vaksinimin në shtator ose tetor për të siguruar mbrojtje në kulmin e sezonit.
Ushqehuni shëndetshëm dhe me produkte të freskëta
Vitaminat C dhe D, zinku dhe antioksidantët janë thelbësorë. Një dietë e larmishme dhe e ngjashme me stilin Mesdhetar është më efektive se suplementet e tepërta.
Qëndroni të hidratuar
Uji ndihmon qarkullimin dhe funksionimin optimal të qelizave imunitare. Alkooli, përkundrazi, dobëson mbrojtjen natyrale të trupit.
Flini gjumë mjaftueshëm
Gjatë gjumit prodhohen substanca që mbështesin luftimin e infeksioneve. Largoni pajisjet elektronike para gjumit për një pushim cilësor.
Menaxhoni stresin
Stresi kronik ul aftësinë mbrojtëse të trupit. Teknikat e relaksimit si frymëmarrja e thellë dhe vëmendja e përqendruar janë ndihmëse të fuqishme.
Ushtrohuni rregullisht
Aktiviteti fizik i moderuar përmirëson qarkullimin dhe fuqizon sistemin imunitar. Edhe ecjet e përditshme kanë ndikim pozitiv.
Qëndroni në shtëpi kur jeni sëmurë
Pushimi ndihmon trupin të shërohet më shpejt dhe mbron të tjerët nga infektimi.
