TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me afrimin e dimrit, shumë familje rrisin temperaturën e ngrohjes për të qëndruar rehat, por çmimet e larta të energjisë e kthejnë këtë në një luks. Fatmirësisht, ekspertët e konsumatorëve nga Which? ndajnë katër mënyra të thjeshta për të kursyer para, pa sakrifikuar ngrohtësinë në shtëpi.
1. Pastroni radiatorët nga pluhuri
Para se të ndizni ngrohjen, pastroni mirë radiatorët, pasi pluhuri vepron si izolues dhe pengon përhapjen e ajrit të ngrohtë. Kjo e bën sistemin të punojë më shumë dhe rrit konsumin e energjisë.
Pastrimi rrit efikasitetin e radiatorëve, ul faturat e energjisë, përmirëson cilësinë e ajrit, duke reduktuar alergjenët.
Kujdesuni sidomos për pjesët e brendshme të radiatorëve, ku mblidhet më shumë pluhur.
2. Vendosni letër alumini pas radiatorëve
Sipas ekspertit të kursimeve Martin Lewis, vendosja e një fletë alumini pas radiatorëve – veçanërisht në muret e jashtme – ndihmon që nxehtësia të reflektohet sërish në dhomë, në vend që të humbasë në mur.
Mund të përdorni letër alumini të zakonshme ose letër speciale për radiatorë.
Si ta bëni: Matni hapësirën midis mbajtëseve të radiatorit dhe prijeni aluminin sipas përmasave;
Vendoseni pas radiatorit me ngjitës të dyanshëm.
Ky truk i thjeshtë përmirëson ndjeshëm shpërndarjen e ngrohtësisë.
3. Largoni mobiliet nga radiatorët
Nëse keni mobilie të mëdha (divane, dollapë etj.) që mbulojnë radiatorët, largojini të paktën 30 cm.
Kjo lejon qarkullimin e lirë të ajrit të ngrohtë dhe rrit ndjeshëm efikasitetin e ngrohjes.
Bllokimi i radiatorëve pengon ngrohjen dhe ju kushton më shumë në faturë.
4. Nxirrni ajrin e bllokuar nga radiatorët
Para fillimit të të ftohtit, sigurohuni që radiatorët të mos kenë ajër të bllokuar brenda, pasi kjo pengon qarkullimin e ujit të nxehtë.
Ja si ta bëni:
Fikni ngrohjen dhe prisni derisa radiatorët të ftohen;
Vendosni një peshqir dhe një enë poshtë valvulës së radiatorit;
Përdorni çelësin e radiatorit (ose një kaçavidë) për ta hapur pak valvulën në drejtim të kundërt të akrepave të orës; Do dëgjoni zhurmë ndërsa del ajri;
Sapo të dalë ujë, mbylleni valvulën, ndizni ngrohjen dhe kontrolloni presionin në kazan.
Nëse nuk ndiheni të sigurt ta bëni vetë, kërkoni ndihmën e një hidrauliku.
