TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pioneri i muzikës neo-soul “R&B”, këngëtari neo-soul D’Angleo, (Michael D’Angelo Archer) është shuar në moshën 51-vjeçare pasi humbi betejën e sëmundjes së rëndë të kancerit në pankreas.
I lindur si Michael Eugene Archer, ai ishte shumë i njohur në rrethin e muzikantëve dhe risisë që solli si pioner i kësaj rryme. Këngëtarja e njohur amerikane Beyonce, ishte një nga fanset e tij dhe i dha lamtumirën me një homazh prekës në rrjetin social.
Beyonce donte t’i thoshte “lamtumirë” D’Angelo-s përmes faqes së saj zyrtare të internetit.
Këngëtarja e famshme foli për një pionier të neo-soul-it i cili, përmes muzikës së tij, ndryshoi përgjithmonë peizazhin e R&B-së. Siç tha ajo, ai do të mbetet në kujtesën e saj përgjithmonë.
“Faleminderit për muzikën tuaj të bukur, zërin tuaj, aftësitë tuaja në piano, artin tuaj. Ju ishit pionier i neo-soul dhe kjo ndryshoi dhe transformoi R&B përgjithmonë. Ne nuk do t’ju harrojmë kurrë”, shkruajti ajo.
Vdekja, dhimbja e familjes dhe karriera e artistit të “Voodoo”
Artisti ikonik i R&B dhe pionieri i lëvizjes neo-soul ka ndërruar jetë pas një beteje të gjatë me kancerin e pankreasit . Familja e tij konfirmoi lajmin për vdekjen e tij në një deklaratë për Variety.
“Ylli i ndritshëm i familjes sonë e ka zbehur dritën e tij për ne në këtë jetë… Pas një beteje të gjatë dhe të guximshme me kancerin, me zemër të thyer njoftojmë se Michael D’Angelo Archer, i njohur si D’Angelo, ka ndërruar jetë.” Familja e tij falënderoi fansat e tij për mbështetjen e tyre dhe kërkoi privatësinë e tyre, ndërsa i bëri thirrje gjithashtu botës të nderojë kujtimin e tij përmes muzikës së tij.
I lindur si Michael Eugene Archer në South Richmond, Virxhinia, D’Angelo tregoi një dashuri për muzikën që në moshë të re.
Karriera e tij mori hov në vitet 1990, kur nënshkroi me EMI dhe publikoi albumin e tij debutues “Brown Sugar” (1995), një album që rinovoi rrënjësisht tingujt e muzikës soul. Me hite të tilla si “Lady”, “Cruisin'” dhe këngën titullare, D’Angelo fitoi vëmendjen e audiencës dhe kritikëve, duke kaluar 65 javë në Billboard Charts.
“Voodoo” (2000), albumi i tij i dytë, e vendosi atë si një nga artistët më me ndikim të epokës, ndërsa “Black Messiah” (2014) me grupin The Vanguard ishte një vepër e pjekur dhe e ngarkuar politikisht që mori kritika entuziaste dhe i fitoi atij gjithsej katër çmime Grammy.
