TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aktorja amerikane Diane Keaton ka ndërruar jetë në moshën 79-vjeçare në Kaliforni. E “zbuluar” nga Woody Allen, i cili u bë edhe partneri i saj, ajo u shndërrua më pas në protagoniste të një karriere të shkëlqyer kinematografike, nga “Io e Annie” (Annie Hall) deri te “Kumbari” (The Godfather).
Lajmi është bërë publik dhe konfirmuar nga revista People, e cila njofton se për momentin nuk janë dhënë detaje mbi shkaqet e vdekjes, ndërsa familjarët kanë kërkuar maksimumin e privatësisë.
Emri i vërtetë i Diane Keaton
Aktorja ka lindur në Los Angeles në vitin 1946 me emrin Diane Hall dhe ishte më e madhja nga katër fëmijët. Babai i saj ishte inxhinier civil, ndërsa e ëma amvisë. Megjithatë, Diane besonte se e ëma ëndërronte diçka më të madhe për të.
“Në thellësi të zemrës, ndoshta dëshironte të bëhej një këngëtare e njohur,” – kishte treguar aktorja në një intervistë të famshme të vitit 2004.
Karriera kinematografike e Diane Keaton
Diane Keaton arriti famën në viteve ’70 falë pjesëmarrjes në filma të mëdhenj si “Kumbari” (1972) dhe, mbi të gjitha, falë bashkëpunimit me regjisorin Woody Allen.
Pikërisht për interpretimin në një nga filmat më të njohur të tij, “Io e Annie” (Annie Hall, 1977), ajo fitoi Oscar-in si Aktorja më e Mirë.
Karriera e saj e gjatë përfshiu edhe filma të tjerë të vlerësuar, si “Klubi i grave të para bashkëshorteve” (The First Wives Club, 1996).
