AKTUALITET, 18 Shkurt 2019, 13:17

Ishte shpallur në kërkim për drogë, prangoset 53-vjeçari nga Tirana

Ishte shpallur në kërkim për drogë, prangoset

Gjatë ditës së sotme policia e Tiranës ka arrestuar një shtetas të shpallur në kërkim kombëtar, të dënuar me 8 vite burg për “Trafikim të narkotikëve të kryer në bashkëpunim i mbetur në tentativë”.

Sektori i Forcës së Posaçme të Operacioneve Speciale dhe Kërkimit në Drejtorinë Vendore të Policisë Tiranë, kapi shtetasin në kërkim kombëtar Arben Xibri, 53 vjeç, banues në Tiranë.

Gjykata e Shkallës së Parë për Krimet e Rënda Tiranë e ka dënuar këtë shtetas me 8 vite burg për veprën penale “Trafikim i narkotikëve i kryer në bashkëpunim i mbetur në tentativë”, të parashikuar nga neni 283/a/2-22 i Kodit Penal.