AKTUALITET, 8 Maj 2019, 09:20

‘Harron’ shteti, predha ende në Panaja të Vlorës, dyshohet se është e pashpërthyer

‘Harron’ shteti, predha ende në Panaja të Vlorës,


Vijon të jetë ende në fshatin Panaja të Vlorës predha e cila u gjet ditën e djeshme.

Po priten të vijnë specialistë nga Tirana për ta marrë, por edhe pse ka kaluar një ditë ende nga shteti nuk është marrë asnjë masë.

Predha dyshohet se është e pashpërthyer dhe ka rrezikshmëri të madhe për banorët. Ajo u gjet dje nga një banore e zonës teksa kjo e fundit ishte duke bërë punime.

Dyshohet se predha i përket Luftës së Dytë Botërore, por pritet konstatimi i policisë për këtë gjë.