TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas gjetjes së aeroplanit me të cilin udhëtonte futbollisti i njohur, Emiliano Sala i cili humbi nga radarët më 22 janar të këtij viti, ka reaguar edhe babai i futbollistit Horacio Sala.
Në një intervistë për “Daily Mail”, Horacio ka shprehur dëshpërimin e tij për humbjen e të birit në rrethana tragjike.
“Nuk mund ta besoj, kjo është një ëndërr, një ëndërr e keqe. Jam i dëshpëruar.”
Lajmi për gjetjen e mbetjeve të aeroplanit me të cilin po udhëtonte futbollisti bashkë me pilotin, është bërë i ditur nga të gjitha mediat botërore, në veçanti “Sky” dhe “BBC”, sipas të cilave thuhet se janë lajmëruar edhe familjarët e Sala.
Kujtojmë se Avioni i Piper Malibu u zhduk nga radarët afër Ishujve Channel më 22 janar, ndërsa piloti David Ibbotson dhe futbollisti argjentinas dyshohet se kanë vdekur, pasi prej 22 janarit nuk gjenden.
Ndërkohë lidhur me trupat e tyre nuk është dhënë ende asnjë deklaratë zyrtare nga autoritetet.
