TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kilian Mbape është rrugës për t’u kthyer në futbollistin më të vlerësuar botëror. Francezi po pret radhën dhe në vitet në vazhdim, sulmuesi e ka treguar se do të jetë ai trashëgimtari i Mesit dhe Kristiano Ronaldos. Megjithatë, në familjen Mbape po përgatitet edhe dikush tjetër për të hyrë në botën e futbollit.
Bëhet fjalë për vëllain e Mbape, Etan Mbape, i cili po përgatitet për të kaluar provën triditore për t’u regjistruar më pas në shkollën e famshme franceze ‘Clairefontaine’, nga e cila kanë dalë disa yje francezë si Tierri Henri, Matuidi, Anelka dhe së fundmi vetë Kilian Mbape. Vëllai 13-vjeçar i futbollistit të PSg, pasi ka kaluar dy fazat e para, tashmë duhet të kalojë testin final për të qenë më pas pjesë e shkollës, e cila vë në testim mënyrën dhe vizionin e lojës, teknikën, shpejtësinë dhe rezistencën.
Fituesit do të shpallen në muajin maj dhe do të qëndrojnë për dy vite në trajtim, ndërsa gjatë fundjavave do të luajnë me ekipet e moshave ku marrin pjesë, teksa vëllai i Mbapesë, Etan, është me skuadrën e PSG. Tashmë mbetet për t’u parë edhe nëse Etan, vetëm 13-vjeçar, është po aq i talentuar sa vëllai i madh, Kilian Mbape.
