TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ministri i Drejtësisë Ylli Manjani ka reaguar pas vendimit të gjykatës për të ekstraduar drejt Italisë, Nezar Seitin i njohur si “financieri” i grupit Habilaj dhe i cilësuar si dëshmitar kyç në dosjen “tahiri”.
Ai i drejtohet me tre pyetje kryeprokurores, ndërsa e cilëson ekstradimin si të sikletshëm...
Reagimi i Manjanit
Ekstradimi i “sikletit”.
—————
Ende presim nje sqarim nga Prokuroria e Përgjithshme mbi lejimin e ekstradimit të N.S!
Lajmi që u përhap dje që Ministria e Drejtësisë e kishte bërë ekstradimin pa pyetur drejtësinë, nuk rezultoi i vërtetë.
Tani topi është në fushën e zonjës Arta Marku. Ajo duhet të na sqarojë:
——————-
Një sqarim ligjor për ata që nuk merren me këtë gjë: personi ndaj të cilit po heton prokuroria shqiptare, nuk mund të ekstradohet pa përfunduar hetimi dhe gjykimi. Ky është standart ligjor i yni dhe çdo shteti.
Gjithashtu Ministri i Drejtësisë kur vendos ekstradimin ose jo i referohet ekskluzivisht materialeve që vijnë nga Prokuroria e Përgjithshme. Prokuroria është institucioni që zbaton vendimet penale dhe që ngre akuze e bën hetime për çdo shtetas.
Dyshimi se e vunë në krye të Prokurorisë për të mbyllur dosjet e medha, të paktën deri tani, është i provuar!
Përgjegjësia ligjore për largimin e N.S është direkt mbi Arta Markun!
Qeveria për momentin mbrohet nën petkun e saj! E bën atë përgjegjëse. Ndonëse shpejtësia me të cilën e vendosën dhe e ekstraduan, provon nevojën që vetë qeveria kishte për ta larguar atë “siklet”…
Presim zonjën Marku të sqarojë pozicionin e saj dhe të Prokurorisë.
Shpresoj të mos ketë vënë në dispozicion të “hallit” të qeverisë ndonjë numër bosh të lënë në protokoll…
Sidoqoftë Heshtja e bën me faj!/TPZ.AL
