TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një familje shqiptare që ka imigruar në Shtetet e Bashkuara para 17 vitesh, po përballet me agjencinë amerikane të imigracionit e cila ka urdhëruar që Ded Rranxburgaj të deportohet në Shqipëri pasi ka shkelur ligjet.
Por kisha Central United Methodist në qytetin e Detroitit i ka dalë në mbrojtje familjes shqiptare dhe po e strehon atë në ambjentet e saj.
Pastorja Jill Zundel i tha Zërit të Amerikës me telefon nga Detroiti se kisha vepron sipas ligjit të Jezu Krishtit.
Ded dhe Flora Rranburgaj erdhën nga Shqipëria 17 vjet më parë dhe u lejuan të qëndronin ndërsa po kërkonin azil politik.
Rasti i tyre nuk u miratua por në të njëjtën kohë Flora u diagnostikua me sklerozë të shumëfishtë dhe u lejua të qëndrojë për shkak të sëmundjes. Por ajo thotë se ka nevojë për bashkëshortin e saj që të kujdeset për të.
Agjencia për zbatimin e ligjit të imigracionit i udhëzon agjentët e saj të mënjanojnë ato që i quajnë vende sensitive për arrestimin e shkelësve të ligjit, si shkolla apo institucione fetare.
Në kishë, së bashku me çiftin Rranxburgaj jeton edhe djali i tyre 24 vjeçar, i cili ndjek studimet universitare dhe mbrohet tani nën programin DACA, dhe djali tjetër i tyre 15 vjeçar që është qytetar amerikan. Data e caktuar për deportimin e tij është 5 shkurti./VOA
