TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kupa e Italisë është e Napolit. Skuadra e drejtuar nga Rino Gattuso mposhti Juventusin në “San Paolo” në lotarinë e 11-metërshave (3-1), pasi 90 minutat e kohës së rregullt dhe tri të shtesës përfunduan me rrjeta të paprekura, duke koleksionuar Kupën e gjashtë në histori. Paulo Dybala dhe Danilo “tradhtuan” shokët e ekipit bardhezi në dy seritë e para të goditjeve, ndërsa napolitanët realizuan katër radhazi, duke mos i dhënë mundësi Ronaldos të ekzekutonte të pestën.
Në fakt, Napoli e meritoi triumfin përfundimtar për gjithçka dha në fushë, ku dy herë goditi shtyllën, ndërsa në minutën e 3-të shtesë Buffon bëri mrekullinë duke shmangur një gol të sigurt pas goditjes me kokë të Maksimovicit.
Festë për Elseid Hysajn, që u aktivizua në minutën e 81-të në vend të Mario Ruit, trishtim me kuqeziun tjetër, Giacomo Vrionin, që priste t’i gëzohej trofeut të parë me fanellën e Juves, qoftë nga stoli i rezervave.
Meritë e veçantë në këtë sukses të Napolit ka trajneri Rino Gattuso, që pas vështirësive të fillimit (pasi mori vendin e Ancelottit), i dha karakterin e tij luftarak ekipit, që e shpërbleu në fund me trofenë e Kupës së Italisë.
