TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Protesta e opozitës ditën e nesërme ka mobilizuar edhe Policinë e Shtetit.
Do të jenë rreth 1200 policë që do jenë të angazhuar për protestën. Kryeministria do të qëndrojë e rrethuar gjatë gjithë kohës, ndërkohë që do të ketë edhe agjentë civil në terren.
Në Bulevardin “Dëshmorët e Kombit” janë shtuar kamerat e sigurisë, ndërsa janë lyer shtyllat me graso. Policia do ta vëzhgojë protestën edhe me dron.
Gjithashtu Gazeta Mapo mëson se Forcat Speciale që do qëndrojnë në tarracën e Kryeministrisë do të jenë të pajisura edhe me gaz lotsjellës. Gazi do të hidhet nëse protestuesit do të tentojnë të futen në Kryeministri.
Pjesë e masave të policisë pritet që të jetë edhe bllokimi i qarkullimit në rrugën ‘Ismail Qemali’, ‘Ibrahim Rugova’ lidhje me bulevardin, ura e Lanës nga ministria e Brendshme deri tek Presidenca aty ku do të ndalohet dhe parkimi i mjeteve.
Opozita kërkon largimin e qeverisë Rama, qeveri kalimtare dhe zgjedhje të parakohshme. Protesta nis në orën 18:00 dhe nuk ka ndonjë orar kur do përfundojë.
