AKTUALITET, 8 Nëntor 2017, 22:58

Çitjanet e Ramës, Berisha e krahason me Enver Hoxhën

Në lidhje me veshjen e djeshme të Edi Ramës në Fier nuk mbeti jashtë debatit edhe ish- kryeministri Sali Berisha.

Berisha ironizon Ramën duke e krahasuar me ish- udhëheqësin famëkeq shqiptar, Enver Hoxha. Ditën e djeshme kryeministri Edi Rama u shfaq në Fier, teksa inspektoi punimet për furnizimin e qytetit me ujë të pijshëm. Por ajo që ra në sy ishte veshja e veçantë e Edi Ramës, një pale çitjane treçerekshe dhe këpucë me majë. Veshja e tij bëri xhiron në rrjetet sociale, ndërsa vetë Rama i pyetur nga komentuesit në facebook u shpreh se ishin të markës japoneze “Yamamoto”.