TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i opozitës Lulzim Basha e ka dënuar ashpër kalimin e truallit të Teatrit Kombëtar nga qeveria tek Bashkia e Tiranës, të cilën e cilësoi si "lavatriçen e parave të pista të drogës".
“Çdo ndërtim i ri që shikoni në Tiranë ose të themi, shumica dërrmuese, financohen drejtpërdrejt nga paratë e drogës",- tha Basha gjatë një bashkëbisedimi me gazetarët.
"Me hir ose me pahir", - theksoi ai, - zhvilluesit janë sot të detyruar të pranojnë pastrimin e parave të pista të drogës përmes lavatriçes së parave të drogës që është bashkia e Tiranës, ku "kryebetonieri” bashkë me Edi Ramën po bëjnë ekzaktësisht atë të kundërtën e asaj që i premtuan qytetarëve të Tiranës: po zaptojnë çdo shesh të lirë, po kërcënojnë çdokënd që nuk u bindet atyre.
Kjo do ta thellojë në veçanti edhe krizën e sektorit të ndërtimit dhe të pasurive të patundshme.
Është një regjim që në grahmat e fundit e ka të skalitur në ballë dhe në valixhet që po bëjnë gati të marrin në largim e sipër atë që “kap ça të kapësh” para se të ikë.
"Por dëmi që po shkakton familjeve shqiptare është i pallogaritshëm nëse nuk ndalin një orë e më parë kalimin e fondeve të shqiptarëve tek një grusht oligarkësh.”
