TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
I dërguari i posaçëm i Bashkimit Evropian për Dialogun Kosovë-Serbi, Miroslav Lajçak, ka deklaruar se Ballkani Perëndimor duhet sa më shpejt të integrohet në BE, sepse siç ka alarmuar ai “nuk dihet deri kur do të jetë stabil”.
Ai ka vlerësuar se pas luftës në Ukrainë, BE-ja s’duhet ta shoh më Ballkanin si një rajon që mund të pres për t’u anëtarësuar.
“Lufta në Ukrainë në fakt ndryshoi shumë gjëra, rregullat, arkitekturën botërore, solli me vete shumë gjëra të këqija, por ka një gjë të mirë. Pati një zgjim nga BE-ja mes atyre që e konsideronin më parë Ballkanin Perëndimor si një zonë paqësore dhe që mund të presë”, ka theksuar Lajçak, gjatë fjalimit në forumin e NATO-s “To Be Secure (2BS)”.
Diplomati sllovak ka folur edhe për frikën se nisma e re e Komunitetit Politik Evropian mund ta shtyjë procesin e anëtarësimit të rajonit në BE.
“Evropa nuk po i kthen shpinën Ballkanit Perëndimor, por fakti që ne po zgjerohemi në lindje nuk do të thotë se do të ketë një ndikim negativ në Ballkanin Perëndimor”,deklaroi Lajçak.
“Nuk duhet të kemi frikë nga Komuniteti Kolitik Kvropian sepse procesi i zgjerimit është këtu dhe askush nuk ka menduar ta zëvendësojë atë proces me diçka tjetër”, shtoi Lajçak.
Ndryshe, “To Be Secure (2BS)”, është një konferencë ndërkombëtare që merret me çështjet e sigurisë globale dhe transatlantike dhe që këtë vit po mbahet në Budva.
Tema qendrore e forumit të këtij viti është e ardhmja dhe siguria e Ballkanit Perëndimor, si dhe roli dhe rëndësia e NATO-s.
