TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në 23 korrik do të përsëriten zgjedhjet për kryetarin e Bashkisë Rrogozhinë, pasi rezultati i 14 majit u shpall i pavlefshëm.
Kolegji Zgjedhor ka marrë vendimin ditën e sotme për të mbajtur procesin zgjedhor sërish në këtë bashki pas denoncimeve të koalicionit “Bashkë Fitojmë” për parregullsi në nxjerrjen e rezultatit. Kandidati i Partisë Socialiste, Edison Memolla do të përballet me atë të koalicionit “Bashkë Fitojmë”, Shkëlqim Hoxha.
Rendi i ditës në mbledhjen e sotme të KQZ:
1. Projektvendim “Për caktimin e datës për përsëritjen e zgjedhjeve për Kryetarin e Bashkisë Rrogozhinë”.
2.Projektvendim “Për dhënien e mandatit të Kryetarit të Bashkisë Kuçovë, Qarku Berat z. Kreshnik Riza Hajdari, të propozuar nga subjekti zgjedhor “Partia Socialiste e Shqipërisë”, për zgjedhjet për organet e qeverisjes vendore të datës 14 maj 2023”.
3.Projektvendim “Për miratimin e formatit dhe specifikimeve të vulës së Komisionit të Qendrës së Votimit, vulës së kryetarit të Komisionit të Qendrës së Votimit dhe vulës rezervë të Komisionit të Qendrës së Votimit, të KZAZ-së nr. 43, Bashkia Rrogozhinë, që do të përdoren në datën 23 korrik 2023, për përsëritjen e zgjedhjeve për Kryetar Bashkie”.
4. Projektvendim “Për plotësimin e vakancës në Këshillin e Bashkisë Tiranë, me kandidatin nga lista shumemërore e Partisë Socialiste të Shqipërisë, zj. Kamela Ferdinant Banushi”.
