TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pamje të veçanta janë shfaqur në një nga seancat e procesit të Hagës ndaj ish-krerëve të Ushtrisë Çlirimtaret ë Kosovës.
Video e paraqitur, që daton më 17 qershor 1999, pra pak ditë para çlirimit të Kosovës, tregon ushtarakë të lartë të NATO-s, në një takim me krerët e UÇK-së. Nga biseda, duket se bëhet fjalë për të koordinuar hyrjen e luftëtarëve në zonat e çliruara dhe demilitarizimin e saj.
Keto pamje jane shfaqur dhe ne Gjykaten speciale, teksa po deshmonte ish keshilltari i Clark, John Duncan, i cili pasi i ka identifikuar shumicen e pjesemarresve ne kete takim, ka deklaruar se propaganda serbe ishte që UÇK-ja kishte strukturë e hierarki.
Në takim, bien ë sy Kadri Veseli, Ramush Haradinaj, Xhavit Haliti, Jakup Krasniqi, Rustem Mustafa dhe disa të tjerë. Përveç oficerëve të NATO-s, duket në video dhe një i huaj jo me uniform ushtarake, ndërkohë që prezent ndodhet edh eish-kreu i Shërbimit Informativ Kombëtar, Fatos Klosi. Takimi është mbajtur i fshehtë, e këtë e tregon se edhe përkthyesi nuk është njëperson i marrë nga jashtë, por numri dy i shërbimit sekret shqiptar.
Ish-këshilltari i Clark: Propaganda e Serbisë ishte se UÇK-ja kishte hierarki e strukturë
Ish-këshilltari i Wesley Clark, John Duncan, ka thënë se propaganda serbe ishte që UÇK-ja kishte strukturë e hierarki.
“Propaganda serbe, siç e kam kuptuar unë dhe prej informatave që kam marrë. Ata filluan që t’i quajnë terroristë dhe më pas t’i shohin si një kanosje reale, si një ushtri e rregullt e të disiplinuar me hierarki dhe që funksionon si një ushtri e rregullt”, u shpreh ai.
Dëshmitari tha ishte shumë e lehtë që të gjendej uniformë për disa persona. Kjo si dëshmi se UÇK-ja e kishte të vështirë ta kontrollonte këtë pjesë.
“Shumë kollaj është të gjesh uniforma për gjashtë persona dhe t’ua gjesh beretat. Kështu që nuk mund të them se sa e nevojshme ishte të bëhej një gjë e tillë”, tha ai.
“Nga përvoja e vizitave në vende të tjera mund të pritesh nga një gardë e veshur mirë, ndërkohë që ushtria është copë-copë…jo kjo nuk është shprehje e një strukture të mirë organizative.
Nga përvoja ime dhe nga informacione nga burime të ndryshme që kishim në terren ishte se kjo ishte një ushtri guerile, shumë kaotike siç mund të ishte në fakt. Mendoj që ishte e paorganizuar që në fakt po organizohej gjithnjë e më mirë. Ata ishin ushtri guerile dhe aspak e rregullt. Prandaj, ekzistojnë edhe titujt që duken se janë tejet të zmadhuar”, tha ai, raporton Betimi për Drejtësi.
