TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryebashkiaku Erion Veliaj, njëkohësisht drejtues politik i Partisë Socialiste në Tiranë, ka dalë në një deklaratë për mediat, pas rezultatit të zgjedhjeve në Vorë, ku PS fitoi me rezultat mjaft të thellë.
Kandidati i PS, Blerim Shera mori 7530 vota, ndërsa kandidati i Shtëpisë së Lirisë, Lulzim Vrana mori 2589 vota. Në vendin e fundit u rendit kandidati i Lulzim Bashës, Ymer Marku, me vetëm 687 vota, një rezultat turpërues për Partinë Demokratike.
Erion Veliaj tha se rezultati në këto shifra ishte surprizë, por shtoi se është rezultat i fushatës dhe punës së PS.
"Ishte një surprizë. Sondazhet tona tregonin mbi 50%. Fushata e fundit ka patur efektin e vet, sepse ishte fushatë bashkimi dhe jo përçarje. Komuniteti i Vorës është komunitet heterogjen.
Jemi përqëndruar për të punuar për mendjet dhe zemrat e atyre që kanë votuar të djathtën. Po të shohësh rezultatin, nuk na ka ceduar rezultati ynë për PS, por përkundrazi në disa bastione të djathta jemi përmirësuar. Fryma e bashkimit funksionon më mirë sesa fryma e përçarjes. Llogaria jonë doli shumë mirë. Duhet të bëjmë shumë punë që ta justifikojmë këtë besim", tha Veliaj.
