TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në kuadër të përpjekjeve për përmirësimin e funksionimit të tregut të brendshëm dhe përafrimin me legjislacionin evropian, në Konsultimet Publike është publikuar projektligji për disa shtesa dhe ndryshime në ligjin “Për tregtimin dhe mbikëqyrjen e tregut të produkteve jo-ushqimore”.
Rregullorja e re synon të forcojë kontrollin mbi tregun shqiptar të produkteve jo-ushqimore, duke siguruar që vetëm produktet që plotësojnë kërkesat e legjislacionit të harmonizuar evropian të lejohen të qarkullojnë në treg. Këto masa synojnë garantimin e një niveli të lartë të mbrojtjes së interesave publike, siç janë siguria dhe shëndeti i konsumatorëve, siguria në vendin e punës, mbrojtja e mjedisit dhe e sigurisë publike.
Ky projektligj përfaqëson një hap të rëndësishëm në procesin e integrimit evropian të Shqipërisë, konkretisht në përmbushjen e kërkesave të Kapitullit 1 të BEsë, që ka të bëjë me Lëvizjen e lirë të mallrave. Për më tepër, iniciativa është në linjë me objektivat e Procesit të Berlinit, duke ndihmuar në forcimin e integrimit rajonal dhe krijimin e një tregu të përbashkët ballkanik. Por cilat janë objektivat kryesore të projektligjit? Sipas relacionit, objektivat kryesore përfshijnë rritjen e kapaciteteve dhe efikasitetit të autoriteteve mbikëqyrëse për tregun e produkteve jo-ushqimore.
Sigurimin e përputhshmërisë së produkteve në tregun shqiptar me standardet evropiane deri në vitin 2030. Harmonizimin e legjislacionit shqiptar me Rregulloren (BE) 2019/1020 brenda vitit 2025. Garantimin e mbrojtjes së konsumatorëve nga produktet e pasigurta, duke rritur besimin në tregun vendas. Krijimin e mekanizmave për informimin dhe zbatimin e detyrueshëm të kërkesave ligjore nga të gjithë operatorët ekonomikë. Projektligji pritet të ketë një ndikim pozitiv në cilësinë dhe sigurinë e produkteve jo-ushqimore në Shqipëri, duke i afruar standardet vendase me ato të Bashkimit Evropian dhe duke kontribuar në mbrojtjen e konsumatorit shqiptar.
