TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama teksa foli për drejtësinë, u ndal tek dy institucione të rëndësishëm si Këshilli i Lartë Gjyqësor dhe Këshilli i Lartë i Prokurorisë, që dëgjohen të flasin publikisht vetëm kur reagojnë ndaj tij. Ndërsa për tema, që sipas Ramës janë me rëndësi, ata nuk flasin.
Kreu i qeverisë nuk përmendi emra, por tha se “ka nga ata që shajnë prokurorët me libër shtëpie dhe këto institucione nuk reagojnë”.
“Paraburgimi duhet të ishte temë kryesore e KLGJ, qeveria e gjykatave, duhet të ishte temë e KLP. Keni dëgjuar ju të ngrihen ndonjëherë për ndonjë problem publik. E vetmja herë kur unë shoh ata të dëgjohen publikisht është kur reagojnë ndaj meje. Ndërkohë janë ca të tjerë që shajnë me libër shtëpie prokurorët e SPAK unë nuk kam parë ndonjë këshill të reagojë. Por unë jam mësuar me këto, ‘ça nuk të vret të forcon’, e kam të provuar vetë ketë. E citoja nga Niçja tani e kam me provë. Mua personalisht kjo zhurmë e madhe tenxheresh që krijon një ide që kushedi çfarë po ndodh më duhet një palavi e neveritshme, por nuk me impresionon për punët reale dhe gjërat serioze që do bëjmë”, tha Rama ne konferencën e fundvitit me gazetaret.
Kryeministri Edi Rama komentoi dhe raportin e cituar më parë të hartuar nga Këshilli i Evropës përsa i përket funksionimit të sistemit të drejtësisë dhe mosregjistrimit me audio apo video të dëshmive.
Në këtë çështje Rama preku dhe kërkesën e gjyqtarëve për rritje të pagave, duke thënë se këto çështje apo veprime të ndërmarra me vetëgjyqësi mund të çojnë në rënie të besimit si shtet si dhe të cenimit të sigurisë juridike. Rama tha se raporti i Këshillit të Evropës duhet të ishte çështje e pushtetit të drejtësisë, por i vetmi moment kur ata dëgjohen publikisht është kur reagojnë për deklaratat e Ramës.
“Unë citova Këshillin e Evropës. Është shumë problem thotë që në Shqipëri nuk ka regjistrime të dëshmive me video dhe audio. Dhe kur mendoj sa shumë lek kemi dhënë për reformën në drejtësi. A nuk ju bën përshtypje që mblidhen shoqatat e gjykatësve që duan t’ia rrisin rrogën vetes me gjyq?
Sepse askush nga këta nuk ka bindjen se kanë në dorë dhe gurin dhe arrën. Të gjitha e dinë që rritja e pagave është ekskluzivitet i dy pushteteve të tjera, jo e pushtetit gjyqësor. I ka mundësi që këta duan t’ia rrisin pagat vetes kur i kanë pagat dita herë ë të larta se tonat? Dhe unë mendoj që pikërisht përse ka ndodhur që kura të bëhet më e rrezikshme se sëmundja, un nuk mund të pres që kjo të ndodhi dhe duhet të parandaluar. Një vend të humbë 10% të GPT vetëm nga kura. Po flasim në rënien e besimit si vend dhe në atë të sigurisë juridike. Ka një sistem drejtësie që të fund të burg dhe të thotë rri aty dhe pastaj do shohim çfarë do dali se ne kemi dyshime të arsyeshme. Që të marrësh dhe të gjysh një tender, duhet të jesh ekspert. Janë dy momente kur kërcënohet shteti, se destabilizim me 83 mandate nuk bën dot as dreqi këtu. Flasim për ekonominë dhe administratën. Duan të rrisin pagat, duhet të rrisim ekonominë.
Tashmë që na duhet një analizë dhe po e bëjmë në të gjitha anët. Kur shihja ditë që dukej si i sigurimit dikur me acaroheshin nervat e sot që jam kryeministër trajtohen njerëz sikur janë përballë sigurimit. Nuk mundet kjo. Nuk do të thotë që të hedhim ujin bashkë me beben. Beben e kemi shëndoshë e mirë dhe do ta ndihmojmë të rritet, drejtësinë e re d.m.th. Sistemi që kemi ngritur është sistem që vetëqeveriset. Ai raport i këshillit të Evropës duhet të ishte temë e sistemit të drejtësisë. E vetmja herë që ata dëgjohen publikisht janë kur reagojnë ndaj meje. Janë ca të tjerë që shajnë me libër shtëpie prokurorë e gjyqtarë, po nuk ka problem”, tha Rama.
