TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në të gjithë vendin po vijon procesi i Primareve të Partisë Demokratike.
Gjatë procesit të primareve në qytetin e Pogradecit, është tentuar të votohet me karta anëtarësie false. Sipas informacioneve, persona të ndryshëm janë paraqitur pa pasur emrin në listën e anëtarëve të partisë me karta anëtarësie të parregullta.
Menjëherë sapo këta persona kanë paraqitur kartën e anëtarësisë, komisioni i votimit ka vënë re parregullsitë dhe nuk ka lejuar që me këto mjetë të votojnë, ndërkaq komisioni nuk i ka kthyer tek personat këto mjete të falsifikuara.
Aktualisht janë kapur 7 karta të tilla, ndërkohë sipas informacioneve nga komisioni rezulton që të ketë pasur një numër të konsiderueshëm të paraqitur me këto dokumente anëtarësie.
Në një prej qendrave të votimit në qarkun e Pogradecit, një nga anëtarët e PD ka denoncuar gjithashtu një problematikë.
Sadik Kapaj u shpreh se nuk ka mundur të votojë pasi emri i tij nuk ishte në listat e votuesve, edhe pse është anëtar i PD që nga viti 1993.
“Unë nuk votova nuk e kisha e emrin, unë jam që në ‘93 anëtarë i partisë, jam demokrat dhe i persekutuar i burgjeve. Erdha para një jave të merrja teserën e re dhe më thanë lejohet që të votohet, tani nuk e gjeta”, tha ai.
