TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prej orës 08:00 të mëngjesit të sotëm ka nisur procesi i votimit të Primareve të PD. Ky proçes që kryhet për përzgjedhjen e kandidatëve për deputetë të Partisë Demokratike të qarkut Berat, po zhvillohet edhe në 4 degët e Partisë Demokratike në të gjithë Qarkun e Beratit, në qytetet Kuçovë, Dimal, Poliçan dhe Skrapar.
Proçesi do të përfundojë në orën 18:00 dhe numërimi i votave do të kryhet në selinë e Partisë Demokratike Berat, ku do të mbërrijnë edhe kutitë e 4 degëve të tjera. Procesi është i organizuar mbi formulën “Një anëtar, një votë”, ku çdo anëtar i Partisë Demokratike ka të drejtë të votojë vetëm një prej kandidatëve në fletën e votimit.
Në fletën e votimit gjenden të renditur të gjithë kandidatët e qarkut, të dalë nga degët Berat, Kuçovë, Poliçan, Dimal e Skrapar.
Në garë për këto primare janë 10 kandidatët:
Avenir Berberi (biznesmen),
Esmeralda Braho (mjeke),
Erion Dasho (mjek),
Zija Ismaili (mjek),
Fatmira Kola (pedagoge),
Ledion Marra (inxhinier),
Oltion Merdari (pedagog),
Shaqo Merkaj (ish-ushtarak),
Monika Qosja (stomatologe)
Thoma Rumniçi (inxhinier)
