TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një zjarr ka përfshirë një banesë në fshatin Derviçan, dhe shkak dyshohet se është bërë soba me dru.
Si pasojë e zjarrit, mësohet se është dëmtuar lehtë shtetasi 55 vjeçar me inicialet DH.K., i cili po merr asistencë mjekësore në spital.
55-vjeçari bëhet me dije se është jashtë rrezikut për jetën.
Njoftimi i Policisë:
Në orët e para të mëngjesit të sotëm, në fshatin Derviçan, dyshohet se për shkak të shkëndijave nga një sobë me dru, ka rënë zjarr në banesën e shtetasit Dh. K., 55 vjeç. Nga flakët është dëmtuar lehtë shtetasi Dh. K., i cili po merr asistencë mjekësore në spital, dhe është jashtë rrezikut për jetën.
Grupi hetimor po punon për të dokumentuar ligjërisht shkakun e rënies së zjarrit.
