TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas reshjeve intensive që përfshinë vendin ditë më parë, Durrësi po përballet me pasojat e rënda të përmbytjeve. Uji është tërhequr, por ka lënë pas një tjetër emergjencë, mbetjet urbane që kanë pushtuar rrugët, trotuaret dhe pusetat. Në lagjen 17, një nga zonat më të prekura, situata është alarmante ndërkohe bashkia nuk ka marre masa per pastrimin e qytetit nga mbetjet dhe zhbllokimin e pustetave.
Tre ditë pas përmbytjeve që goditën qytetin e Durrësit, mbetjet urbane kanë pushtuar rrugët dhe trotuaret, duke krijuar një situatë shqetësuese për banorët.
Pamjet nga lagjja 17, pranë tregut industrial—një nga zonat më të prekura nga reshjet intensive të së enjtes—tregojnë rrugë të mbuluara me mbeturina, trotuare të bllokuara dhe pusetat të papastruara.
Qyetarët ankohen se pavarësisht se paguajnë taksat për pastrimin e qytetit, shërbimi duket se mungon. Bashkia nuk ka marrë masa konkrete për pastrimin e mbetjeve, duke lënë pas ndotje të dukshme mjedisore. Era e rëndë dhe pamja e rrugëve të mbuluara me plehra po kthehen në shqetësim për banorët e zones pasi i frikesohen perhapjes se semundjeve.
Pusetat e papastruara, sipas banorëve, janë një tjetër dëshmi e dështimit te pushtetit lokal i cili jo vetem nuk mori masa per parandalimin e permbytjeve te cilat shkaktuan deme ne banesa e biznese, por edhe pas permbytjeve vijon te ngelizhoje pasojat. Në rast të reshjeve të reja, rreziku për përmbytje është i pashmangshëm.
