TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Komisioni i Rithemelimit të PD i është përgjigjur akuzave të Lulzim Bashës, të shkarkuar si kryetar i PD-së, lidhur me koston e Kuvendit Kombëtar të 11 dhjetorit.
Përmes një deklarate për mediat, Komisioni i Rithemelimit thekson se Basha citoi shpifjet e mediave të Edi Ramës.
Rithemeluesit theksojnë se do të bëjnë transparente ditët në vijim të gjitha kostot e organizimit të Kuvendit të jashtëzakonshëm demokrat.
Gjithashtu Komisioni i Rithemelimit të PD akuzon deputetin Basha se me kompanitë e të afërmeve të tij kanë rrjepur financat e PD gjatë tetë viteve.
Deklarata
Deputeti Basha ripërtypi sot publikisht shpifjet e mediave të Edi Rames për organizimin dhe kostot e Kuvendit te Partisë Demokratike.
Kostot modeste të këtij organizimi do të bëhen transparente për mediat ditët në vijim.
Po ashtu kukulla e Ramës shpifi publikisht se për këtë event është kontraktuar bashkëshorti i një deputeteje të Partisë Socialiste.
Hedhim poshtë me neveri këtë shpifje dhe sqarojmë opinionin se kjo është totalisht e pavërtetë!
E mirëkuptojmë zemërimin e z.Basha përse nuk e organizuam Kuvendin me kompaninë e të afërmve të tij por rrjepja që ata i kanë bërë financave të PD këto 8 vjet e ka bërë këtë kompani të papërballueshme për mundësitë tona!
