TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një shtetas shqiptar 30-vjeçar, ka vënë në pranga nga policia italiane, i akuzuar për shantazh dhe zhvatje të ish-pronarit të tij.
Rasti u zbulua pas denoncimit të bërë nga një sipërmarrës bujqësor i zonës, ish-punëdhënës i të dyshuarit, i cili prej më shumë se dy vitesh raportonte se ishte bërë viktimë e kërkesave të përsëritura për para.
Sipas dëshmisë së tij, shumat e kërkuara nga i riu varionin nga 2.500 deri në 4.000 euro, çdo 30-40 ditë, të shoqëruara me kërcënime të qarta për dhunë fizike ose dëmtim të mjeteve bujqësore të kompanisë.
Pas hetimeve, autoritetet organizuan një operacion të posaçëm për dorëzimin e kontrolluar të shumës së fundit të kërkuar, që arrinte në 1.400 euro.
Takimi u zhvillua në një zonë parkimi pranë një lokali të njohur në provincë, në prani të efektivëve të Njësisë Mobile dhe Policisë Shkencore, të cilët dokumentuan të gjitha fazat e ngjarjes.
I dyshuari u ndalua menjëherë pasi mori paratë dhe u arrestua në flagrancë. Pas procedurave përkatëse, ai u dërgua në burgun e Ragusës, ku do të qëndrojë në dispozicion të Prokurorisë pranë Gjykatës së Ragusës.
