TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia ka finalizuar një operacioni që ka përfunduar me arrestimin e 23-vjeçares Rinesa Raçi, e cila akuzohet se në bashkëpunim me një të ri, grabitën me dhunë celularin dhe një shumë eurosh një shtetaseje në Tropojë.
E reja u arrestua në Serbi pasi ishte shpallur në kërkim ndërkombëtar. Në vitin 2024, Gjykata e Kukësit e ka dënuar me 3.4 burg, për veprën penale “Vjedhja me dhunë”, kryer në bashkëpunim.
Ajo akuzohet se në vitin 2021, në fshatin Dojan, Tropojë, në bashkëpunim me Visar Madanin i vodhën me dhunë, një shtetaseje, celularin dhe një shumë eurosh.
Njoftimi:
Policia e Shtetit/Finalizohet një tjetër fazë e operacionit ndërkombëtar, të koduar “The Wanted”.
Arrestohet në Serbi, bashkautorja e një vjedhjeje me dhunë, kryer në vitin 2021, në Tropojë.
Si rezultat i bashkëpunimit me autoritetet policore serbe, koordinuar nga specialistët e Drejtorisë së Interpolit, u arrestua në Serbi, në kuadër të operacionit “The Wanted”, shtetasja e kërkuar ndërkombëtarisht, R. R, 23 vjeçe.
Në vitin 2024, Gjykata e Kukësit e ka dënuar këtë shtetase, me 3 vjet e 4 muaj burgim, për veprën penale “Vjedhja me dhunë”, kryer në bashkëpunim.
Në vitin 2021, në fshatin Dojan, Tropojë, shtetasja R. R., dhe shtetasi V. M., i vodhën me dhunë, një shtetaseje, celularin dhe një shumë eurosh.
Strukturat policore homologe po bashkëpunojnë për të finalizuar procedurën për ekstradimin e 23-vjeçares, në Shqipëri.
