TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Fetie Kasa, ish-kampionia e peshëngritjes është dorëhequr nga Policia e Vlorës, ku prej vitesh ishte në radhët e forcave “Shqiponja”.
Dorëheqja është bërë rreth një muaj më parë dhe e gjitha lidhet me pakënaqësitë ndaj një operacioni ku grupit të “Shqiponjave”, përfshirë Fetie Kasa, u iku nga duart Inez Hajrulla, një person me precedentë penal dhe disa miq të tij.
Furgoni i Shqiponjave me 4 efektivë ka marrë urdhër për të ndjekur dhe ndaluar një makinë që ka bërë manovra të rrezikshme në rrugë.
Grupi i Fetie Kasës arritën të ndalojnë automjetin që drejtohej nga Denis Karafili në një servis pranë lagjes “Pavarësia”.
Por gjatë përpjekjes për ta hipur në furgonin e policisë Denis Karafilin, u kundërshtuan nga disa të rinj pasagjerë në automjet, përfshirë Inez Hajrullën.
Të gjithë u larguan drejt Ujit të Ftohtë tek baza e Hajrullës, lokal ‘Oslo’. Aty u desh ndërhyrja e FNSH dhe Opracionales, të cilën gjetën në lokal, armë dhe radio policie, arrestuan Denis Karafilin, por nuk mundën të gjejnë Inez Hajrullën dhe 3 të tjerët, të cilët u shpallën në kërkim nën dyshimin se janë pjesë e një grupi kriminal, raporton Report TV.
Burimet thanë se Fetie Kasa dhe efektivët e tjerë kanë pretenduar në deklarime se nuk arritën ta ndalojnë fare automjetin, duke mohuar që i dyshuari u kishte ikur nga duar, ndërkohë që oficerët e Krimeve kanë deklaruar se ka pasur konfrontim fizik mes uniformave blu dhe të rinjve që mendohet se edhe ata janë me precedent penalë.
