TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Karabinierët italianë arrestuan në Livorno një 45-vjeçar shqiptar nën akuzën e trafikut të drogës, mbajtjes së armëve, teka iu sekuestruan edhe shuma të konsiderueshme në valutë.
Operacioni është kryer në Vada, një fshat i vogël i Komunës Rosignano Marittimo.
Operacioni, i nxitur nga një kontroll shtëpie, çoi në zbulimin dhe sekuestrimin e një pistolete gjysmëautomatike “Sig Sauer”, e vjedhur në Brescia në vitin 2024, një pistolete të paligjshme “Glock” pa numër serial, një revolver “Smith & Wesson”, municione të kalibrave të ndryshëm.
Gjithashtu afërsisht 393 gramë ketaminë, hashash, një peshore precize dhe mbi 4,000 euro në para të gatshme që besohet të jenë të ardhura nga aktivitet i paligjshëm.
Burri, nën hetim për posedim të paligjshëm të armëve dhe municioneve të paligjshme, pranim të mallrave të vjedhura dhe posedim të drogës me qëllim shpërndarjen e tij, u dërgua në burgun e Livornos dhe u vu në dispozicion të autoriteteve gjyqësore, informon media italiane.
Hetuesit po verifikojnë të gjithë aktivitetin e tij kriminal dhe nëse armët e sekuestruara janë përdorur në ngjarje të tjera kriminale.
