TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Demokratike, Lulzim Basha falenderon të gjitha shtetet që gjatë Konferencës së sotme të Donatorëve shprehën solidaritetin me Shqipërinë.
Sipas liderit të opozitës, shuma e mbledhur për dëmet e tërmetit të 26 Nëntorit janë të bekuara dhe të mirëpritura, por thekson se, duhet nisur puna menjëherë dhe fondet të përdoren me përgjegjëshmëri dhe transparencë.
“Të gjitha donacionet ndërkombëtare për popullin shqiptar për dëmet e pas tërmetit të 26 nëntorit janë të bekuara dhe të mirëpritura.
Falenderime dhe mirënjohje për çdo vend, çdo organizatë dhe çdo institucion ndërkombëtar që i gjendet pranë qytetarëve shqiptarë në këtë moment të vështirë.
Detyra jonë është të bëjmë gjithçka që këto kontribute të shërbejnë vërtet për ndihmë ndaj njerëzve në nevojë.
Është e rëndësishme që të nisë menjëherë puna dhe fondet të përdoren me përgjegjshmëri dhe transparencë për të ndalur keqpërdorimin dhe abuzimin me to”, shkruan Bashan ë reagimin e tij.
I ka kaluar të gjitha pritshmëritë Konferenca e Donatorëve në Bruksel, duke arritur në një vlerë prej 1.15 miliardë euro (grante, projekte dhe hua) të grumbulluara për rindërtimin e Shqipërisë pas tërmetit të 26 nëntorit që ka pas 51 viktima, qindra të plagosur dhe mijëra të pastrehë.
Një vlerë që kapërcen edhe faturën financiare të dëmeve nga tërmeti, e cila ishte përllogaritur, sipas qeverisë, 980 milionë euro, teksa rindërtimi kërkon rreth 1.08 mld euro.
