LIFESTYLE, 29 Shtator 2017, 19:07

10 mënyra për të qëndruar të shëndetshëm dhe në formë

TPZ

Ndërkohë që bëjmë aq sa kemi mundësi të jemi sa më të shëndetshëm, kjo është gjithmonë një punë në progres. Ka shumë elemente për një mënyrë jetese të shëndetshme. Përdorni këto këshilla si udhëzues për udhëtimin tuaj në rrugën e një shëndeti më të mirë.

1. Zakonet tuaja të këqija

Zakonet në kategorinë "të dëmshme " do të ishin pirja e duhanit dhe droga.Nuk ka asnjë mënyrë për ti shndërruar këto në të shëndetshme". Mund të duhen disa kohë për të hequr dorë nga këto, por ia vlen nëse dëshiron të udhëheqësh një mënyrë jetese të shëndetshme. Nga ana tjetër, ka disa zakone që nuk janë aq të këqija, por lehtë mund të bëhen problem nëse abuzohetn me to. Këto përfshijnë alkool, sheqer, kafeinë dhe ushqim fast food. Këto gjëra në moderim ose në bazë të "një herë në shumë kohë" janë të pranueshme, për sa kohë që shumica e zgjedhjeve tuaja janë të ndërgjegjshme dhe të shëndetshme.

2. Kontrrolle shëndetsore rregullisht

Shkoni te mjeku juaj për kontrrole vjetore për t'u siguruar që çdo gjë të jetë ashtu siç duhet. Nëse keni sigurime shëndetsore, zakonisht këto shërbime janë të mbuluara, prandaj shfrytëzoni plotësisht përfitimet tuaja. Njihni trupin tuaj në mënyrë që të jeni të vetëdijshëm kur diçka duket e gabuar. Bëni rregullisht check-up gjiri ose testikular. Edhe nëse jeni të shëndetshëm mundohuni të kontrrolloheni vazhdimisht, kështu që nëse diçka është e parregullt, ju e dini dhe mund të ndërmerrni veprim, së bashku me mjekun tuaj.

3. Gjumi

Gjumi ndikon në shëndetin tonë fizik dhe mendor në mënyrë të jashtëzakonshme. Mungesa e gjumit ndikon negativisht në metabolizmin, humorin, përqendrimin, kujtesën, aftësitë motorike, hormonet e stresit dhe madje edhe sistemin imunitar dhe shëndetin kardiovaskular. Gjumi lejon trupin të shërojë, riparojë dhe rinovojë vetveten në një mënyrë që thjesht nuk mundet kur një person është i zgjuar.

4. Ushtrime

Edhe sikur të dilni për një shëtitje disa herë në javë, ushtrimi është i rëndësishëm për të qenë në formë dhe të shëndetshëm. Stërvitja kardiovaskulare ndihmon në forcimin e zemrës dhe mushkërive, trajnimi i forcës ndihmon në forcimin e muskujve dhe shtrirja ndihmon për të zvogëluar rrezikun e lëndimit duke rritur fleksibilitetin. Ushtrimi gjithashtu përmirëson qarkullimin dhe ndërgjegjësimin e trupit, dhe stërvitja e rregullt mund të ndihmojë në luftën kundër depresionit.

5. Hani ushqime të shëndetshme

Konsumoni sa më shumë fruta, perime dhe drithëra të freskëta dhe bëjini ato pjesë kryesore të dietës tuaj të përgjithshme. Përfshini burime të proteinave të tilla si shpezë, peshk, tofu dhe fasule. Hani ushqim të balancuar dhe mos hani tepër. Ndaloni se ngrëni para se të bëheni plotësisht të plotë dhe jepni vetes një shans për të tretur ushqimi juaj. Shmangni ushqimet e përpunuara shumë që përmbajnë ëmbëlsues artificialë ose ngjyra, sheqerna të fshehura ose yndyra e tepruar.

6. Hani mëngjesin cdo ditë

Një mëngjes i shëndetshëm ndihmon që të filloni ditën tuaj më mirë. Mëngjesi ndihmon në mënyrë që të keni energji dhe lëndë djegëse për performancë optimale, mendore dhe fizike. Ushqimi i mëngjesit ndihmon për të ruajtur nivelet e qëndrueshme të sheqerit në gjak dhe për një peshë të shëndetshme, sepse ju keni më pak gjasa për të tej ngrëne më vonë gjatë ditës.

7.Pini ujë

Trupat tanë janë të përbërë kryesisht nga uji. Shumica e lëngjeve dhe ushqimeve përmbajnë ujë që ndihmon për të mbajtur trupin tonë të hidratuar. Uji i freskët dhe i pastër është ende pija më e mirë dhe më e shëndetshme për mbajtjen e një trupi të shëndetshëm. Është pastruesi më i natyrshëm për organet tona dhe sistemin e tretjes. Hidratimi është i nevojshëm për trurin, si dhe për të ndihmuar për heqjen e toksinave përmes lëkurës (djersitje) dhe urinës.

8.Reduktoni stresin

Stresi mund të shkaktojë një numër problemesh duke filluar nga problemet e zemrës dhe duke vazhduar te problemet e tretjes. Kjo nuk duhet të vijë si një surprizë. Ajo që shumë njerëz nuk e dinë është se çfarë duhet të bëjnë për të evituar rritjen e stresit. Ushtrimi, meditimi, duke bërë atë që ju doni,spiritualiteti, duke qenë në natyrë dhe hobi të kënaqshme ndihmojnë në zbutjen e efekteve të dëmshme të stresit në trup. Mos u mbingarkoni. Merrni pushime (pushime, mini-pushime, ditë pushimi) dhe rrethoni veten me njerëz që ju mbështesin.

9.Shpreheni veten tuaj

Mbajtja e emocioneve brenda mund të shkaktojë stres mendor dhe emocional, si dhe simptoma fizike. Ndjenjat e paeksploruara mund të çojnë në depresion, probleme të gjumit, çrregullime të ngrënies dhe madje edhe dhimbje fizike. Mësoni të flisni për ndjenjat tuaja, ose t'i shprehni ato përmes një lloj arti. Edhe duke shkruar mendime dhe ndjenja është një mënyrë e mirë për të shprehur gjërat që ju të gjeni të vështira për të thënë.

10. Konsistencë dhe moderim

Në mënyrë që të ruhet një mënyrë jetese e shëndetshme dhe e përshtatshme, është e rëndësishme që të kemi një farë qëndrueshmërie. Bëni ndryshime një nga një, dhe mos bëni shumë ndryshime në të njëjtën kohë ose do të rrezikoni të bini pre e zakoneve të vjetra. Bërja e këtyre zgjedhjeve në jetën tuaj të përditshme do t'ju ndihmojë të arrini një jetë më të shëndetshme. Shmangni ekstremet në cdo lloj rasti. Ushtroni moderim kur është fjala për ushqim dhe argëtim. Nëse arrini ti ndiqni këto 10 këshilla do të jetë e mundur keni një jetë më të shëndetshme dhe relaksuese. /TPZ/