TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Gjermani është mbyllur ndeshja e çmendur mes Shalke 04 dhe Mançester Sitit, ku u shënuan plot pesë gola. Sfida ka nisur e vrullshme, me “Citizens”, të cilët krijojnë raste dhe me vendasit nga Gelsenkirshen, të cilët mundohen të rezistojnë.
[video width="1280" height="720" mp4="https://cdnimpuls.com/tpz.al/wp-content/uploads/2019/02/s-01.mp4"][/video]
Pikërisht në minutën e 18-të, përpjekjet e Sitit u shpërblyen, teksa një gafë në mbrojtje e Shalkes, solli golin e parë të ndeshjes, me autor Serxho Agueron. Argjentinasi mori një pasim nga David Silva dhe me portën e boshatisur zhbllokoi rezultatin.
[video width="1280" height="720" mp4="https://cdnimpuls.com/tpz.al/wp-content/uploads/2019/02/s-02.mp4"][/video]
Gjithsesi, pavarësisht golit të pësuar, ekipi nga Gelsenkirshen ka reaguar menjëherë, ku në minutën e 38-të ka baraspeshuar shifrat me anë të Nabil Bentaleb. Ky i fundit shënoi nga pika e bardhë, teksa 11-metërshi u akordua pas konsultimit me sistemin VAR.
[video width="1280" height="720" mp4="https://cdnimpuls.com/tpz.al/wp-content/uploads/2019/02/s-03.mp4"][/video]
Sidoqoftë, asgjë nuk përfundoi këtu. Shtatë minuta më vonë, ishte përsëri gjyqtari, i cili akordoi tjetër 11-metërsh në favor të Shalkes. Përsëri, te pika e bardhë u paraqit Nabil Bentaleb, i cili u tregua i saktë, duke kaluar në avantazh të tijtë.
[video width="1280" height="720" mp4="https://cdnimpuls.com/tpz.al/wp-content/uploads/2019/02/s-04.mp4"][/video]
Pjesa e dytë, ishte akoma më e çmendur se ajo e para, teksa Siti mbeti me 10 lojtarë pas daljes me karton të kuq të Otamendit. Gjithsesi, ekipi i Guardiolës arriti të reagonte në mënyrë të pabesueshme edhe pse me një lojtar më pak, duke përmbysur gjithçka.
[video width="1280" height="720" mp4="https://cdnimpuls.com/tpz.al/wp-content/uploads/2019/02/s-05.mp4"][/video]
Fillimisht, ishte një perlë e Leroi Sane, i cili i shënoi ish-ekipit të tij, ndërsa në fund ishte radha e Rahim Stërling, i cili çmendi në festë ekipin e tij. Kështu, Siti hedh një hap të sigurt drejt kualifikimit më tej.
UEFA Champions League
Faza e 1/8-ave
Shalke 04 – Mançester Siti 2-3
Shënues: Bentaleb 38′ (pen.), 45′ / Aguero 18′, Sane 85′, Sterling 90′
