TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i PD-së Klevis Balliu deklaroi sot se një nga protestuesit tek “Unazën e Re”, është arrestuar nga policia. Përmes një postimi në ‘Facebook’ Balliu tregoi edhe emrin e personit të arrestuar, ndërsa shtoi se bëhet fjalë për Dorian Protoduarin.
Po ashtu ligjvënësi i djathtë ka siguruar edhe një video nga momenti ku shihet se si një person shoqërohet me makinën e policisë.
Balliu i ka bërë thirrje policisë që ta lirojë qytetarin. Ndërkohë nga policia nuk është dhënë asnjë informacion zyrtar lidhur me faktin nëse ka pasur persona të ndaluar nga protesta që u zhvillua sot.
“E PATOLERUESHME SJELLJA BANDITESKE E POLICISË KUNDËR QYTETARËVE
Policia që i shërben interesave klienteliste prangos qytetarët që protestojnë tek njësia 6. Dorian Protoduari është arrestuar nga kjo polici bandite, e cila po ju bën presion direkt qytetarëve.
I bëj thirrje Policisë që ta lirojë urgjentisht ose do të ketë përgjegjësi të madhe.”, shkruan Balliu.
