TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas vendimit të Gjykatës së ArbiTrazhit Sportiv në Lozanë (KAS) për t’i rikthyer titullin kampion ekipit korçar të Skënderbeut, vjen reagimi i presidentit, Ardjan Takaj. Duke folur për ‘panorama sport’, Takaj e konsideron vendimin të fituar me mund, ndërsa thekson se pret edhe vendimin për çështjen e dënimit nga UEFA.
“Ishte një fitore me gjak. Si mund ta falnim atë titull ku kemi luftuar deri në javën e fundit dhe kemi derdhur shumë djersë?!. Ne akuzoheshim për ndeshje të fituara?! A ka sens kjo? Tani presim drejtësi edhe në çështjen e dënimit nga UEFA. Ka pasur një sulm frontal kundër nesh, edhe nga kundërshtarët tanë në Shqipëri. Jemi të bindur për pafajësinë tonë”, është shprehur Takaj.
Skënderbeut i është rikthyer kështu titulli kampion pasi iu hoq nga Komisioni i Etikës, referuar akuzave për trukim dhe manipulim ndeshjesh.
