TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga të dyja anët e gadishullit banorët po përgatiten për skenarin më të rrezikshëm. 5,6 milionë banorëve në zonat e evakuimit i është drejtuar thirrja e alarmit. Shumë largohen, autostradat janë bllokuar, benzina mungon.
Boldnews.al kontaktoi një familje shqiptare e cila jetonte në Florida dhe prej 2 ditësh ishte larguar në një shtet të afërt. "Një uragan i tillë është regjistruar njëherë në 2005, por që ndërroi drejtim. Florida pothuajse preket çdo vit nga uraganët por "Irma" është më i rrezikshmi që kemi dëgjuar ndonjëherë dhe do të godasë fort edhe zonë ku ne jetojmë." - u shpreh familja shqiptare për Boldneës.al e cila kishte 1 biznes dhe 2 banesa në Florida. "Ne i kemi siguruar pronat dhe biznesin, dhe kompanitë e sigurimit do të na i rinovojnë sërish pasi të stabiliziohet gjendja. Por pavarësisht kësaj, për ne është dëm i madh pasi çdo gjë duhet ta nisim nga e para, ndërkohë që kemi investuar mbi 20 vite të jetës për të arritur aty ku jemi sot." - shton më tej familja shqiptare.“Irma" është tani më e madhe se Flordia. Epiqendra e uraganit u kategorizua sërish në shkallën maksimale të rrezikut, 5. Sipas prognozave kjo stuhi pritet të godasë të dielën në mëngjes me një fuqi ere prej 257 kilometra në orë. "Koha po ikën. Nëse ndodheni në një zonë evakuiimi, duhet të largoheni. Kjo është një stuhi katastrofale, si nuk është parë kurrë më parë", paralajmëroi guvernatori i Floridas, Rick Scott.
Dallgë tre metra të larta
Për të gjithë bregun jugor të Floridas, nga Atlantiku deri në Gjirin e Meksikës është dhënë alarmi i rrezikut për dallgë deri në tre metra të larta. Të premtën uragani kishte madhësinë e Teksasit, thanë meteorologët. Qindra mijëra vetë po përpiqen të largohen nga zona e rrezikut. Në autostrada bllokimi i trafikut kap disa kilometra. Në shumë vende ka mungesë karburanti. 5,6 milionë vetë jetojnë në zonat e evakuimit, sipas autoriteteve.
Vetëm në Miami, iu është kërkuar 650.000 banorëve të largohen. Kryebashkiaku i metropolit të njohur bëri fjalë për evakuimin më të madh në historinë e këtij rajoni. Ata që nuk largohen po gozhdojnë hyrjet me dërrasa dhe vendosin thasë rëre kundër përmbytjeve të mundshme.
Stuhi me potencial të lartë shkatërrimi
Presidenti amerikan, Donald Trump apeloi tek popullata e zonave të prekura të jenë të vigjilentë dhe të ndjekin rekomandimet e autoriteteve. „Kjo është një stuhi me një potencial historik absolutisht shkatërrues", deklaroi ai. Si pasojë priten përmbytje deri në brigjet e Georgias dhe Karolinës së Veriut.
Ushtria amerikane ka mobilizuar mijëra ushtarë. 14.000 ushtarë të Gardës Kombëtare janë vendosur në gjendje alarmi. Me një shpejtësi ere 260 kilometra në orë, stuhia „Irma goditi të premten arkipelagun Camaguey në Kuba. Televizioni shtetëror tregoi pamje të shkatërrimit dhe përmbytjeve, por ende nuk dihen qartë përmasat e katastrofës. Miliona vetë, shumë turistë ishin evakuuar më parë./Deutsche Welle
