TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mauro Ikardi duket se është bindur për t’u larguar jashtë Italisë. Sulmuesi edhe pse rezistoi deri në orët e fundit të merkatos, duke pritur një sinjal nga Juventusi, pasi dëshira e tij ishte të mbetej në Itali, i vënë me shpatulla pas muri nga Interi ka pranuar ofertën e PSG.
Argjentinasi fillimisht do të rinovojë me Interin dhe më pas do të huazohet te parisienët. Sipas mediave franceze sulmuesi pritet të mbërrijë pasditen e sotme në orën 17:00 në Paris për të kryer vizitat mjekësore dhe për të nisur aventurën e re.
Ndërkohë për të konfirmuar lëvizjet e fundit, edhe agjentja e njëkohësisht bashkëshortja e Mauro Ikardit, Uanda Nara në mbrëmjen e djeshme braktisi studion e emisionit ‘Tiki Taka’, aty ku është e ftuar çdo të diel, për arsye se kishte një angazhim në lidhje me punën. Kështu, merr zgjidhje e ardhmja e Ikardit, teksa i fituar duket se ka dalë drejtori Marota pasi e largoi sulmuesin jashtë Serisë A duke mos përforcuar asnjë rival direkt si Juventusi apo Napoli.
