TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Studentët e UBT-së kanë dalë sërish sot në protestë dhe kërkojnë që shkolla 9-vjeçare të mos ndërtohet brenda kampusit universitar. Ata janë shprehur se protestat do t’i vazhdojnë dhe nuk do të futen në shkollë për të bërë mësim.
“UBT-ja proteston. Fushën ku studionim na i zutë, ju jeni hajdutë”, kjo është një nga thirrjet e studentëve në protestën e sotme.
Një studente është shprehur e vendosur se protesta do të vijojë dhe sipas saj me projektin e shkollës 9-vjeçare është shkelur ligji.
“Vijmë për të bërë mësim dhe këtu shohim shumë policë. Shumë turp për Erionin dhe për mënyrën sesi na sheh kryebashkiaku. Ata kur arrijnë ofendojnë pedagogun apo studentin duhet të japin dorëheqjen. Jam shumë e befasuar.
Nuk kemi pse përzihen studentët me nxënësit. Ai më të drejtën është i humbur. Ka shkelje të ligjit këtu. Do të vazhdojë bojkotin e mësimit. Nëse për Veliaj është me vlerë të lëmë mësimin ne do të lemë, le të kënaqet ai”, u shpreh një studente. Në UBT janë të pranishme edhe forcat e policisë, të janë aty për të ruajtur rendin.
Bashkia Tiranë nëpërmjet një projekti do të ndërtojë brenda kampusit universitar një shkollë 9-vjeçare. Ky projekt kundërshtohet nga pedagogët dhe studentët pasi sipas tyre do të prishet fidanishtja e shkollës që ata e quajnë laboratori.
Nga ana tjetër Erion Veliaj është shprehur i vendosur se shkolla do të ndërtohet dhe protestën e ka quajtur një turp.
