TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mishel Platini është gati të kthehet. Vendimi i Gjykatës Federale në Zvicër ka anuluar ato të FIFA-s dhe KAS të Lozanës që e kishin përjashtuar atë nga futbolli bashkë me Sep Blater për para që ish-presidenti të UEFA-s i ishin paguar nga ish-presidenti i FIFA-s. Një vendim që i hap rrugë skenarëve të ndryshëm që me sa duket përfshijnë edhe rikthimin e tij si drejtues në sport.
“Është diçka e mirë që e vërteta bëhet publike pas kaq shumë manipulimeve, gënjeshtrave e padrejtësive. Ua kisha thënë që isha i ndershëm, duhej të më besonit. Komisioni i FIFA-s dhe KAS nuk më besuan, ndërsa një gjykatë e vërtetë më besoi sot, drejtësia e atyre që nuk janë në futboll më shpëtoi nga drejtësia e futbollit ndërsa unë i kushtova të gjithë jetën këtij sporti. Kjo është ajo që më dhemb më shumë”, tha Platini për “L’Equipe”.
“Apel i FIFA-s? Le të bëjnë çfarë të duan por të isha unë në vend të tyre, pas grushtit që morën sot, nuk do të bëja një ndeshje kthimi! Por nuk janë paratë e tyre që paguajnë avokatët, por paratë e futbollit.
Nuk e di nëse do të kthehem në futboll. Jam ende i ri, kam ende më shumë flokë se Infantino! Kam shumë vite para meje, të shohim!”, tha Platini.
